Wednesday, October 27, 2010

တိုင်းရင်းသားလူမျိုးစုပါတီများနှင့် ၂၀၁၀အလွန်မျှော်လင့်ချက်

ကျော်ဝင်း

ဆူးသုံးဆူး
လွတ်လပ်ရေးရပြီးစဉ်ကတည်းက မြန်မာ့နိုင်ငံရေး ဘ၀တွင် ဆူးကြီးသုံးချောင်း စူးဝင် နေ သလားစဉ်းစားမိ သည်။အိုင်ဒီယိုလော်ဂျီအငြင်းပွားမှု၊လူမျိုးစုနိုင်ငံရေးနှင့် စစ်ဘက်အရပ်ဘက် ဆက်ဆံရေးဆိုသော ပြသနာသုံးရပ် ဖြစ်ပါသည်။ပထမနှင့်ဒုတိယဆူး(အိုင်ဒီယိုလိုဂျီနှင့်လူမျိုးစု)ကို ဒီမိုကရေစီဘောင်အတွင်းမသုံးသပ်နိုင်ခဲ့ရာမှ ပြည်တွင်း စစ်အထိအခြေအနေဆိုးခဲ့ရပြီး၊ တတိယ ဆူး (စစ်ဘက်-အရပ်ဘက်)မှာ အဆိုပါ ပြည်တွင်းစစ်၏အကျိုးဆက်ဟု သဘောရပါသည်။
ကံကောင်းထောက်မစွာပင် တစ်ခေတ်တစ်ခါက သြဇာကြီးနိုင်ငံရေးပါတီများဖြစ်သည့် ဗကပ၊အလံနီ၊ပြည် သူ့ရဲဘော် စသည်များကို ပြည်တွင်းစစ်ထဲကျွံစေခဲ့သော အိုင်ဒီယိုလိုဂျီပြသနာ မှာ ယခုအခါပွဲပြီးသလောက် ရှိသွား ပါပြီ။ကျွန်တော်တို့ နိုင်ငံတွင်စွဲလမ်းသူ အနည်းအကျဉ်း ရှိ သလောက်ရှိသေးသည့်တိုင် နိုင်ငံတကာတွင်မူ အလေးထားရမည့် အာဂျင်ဒါထဲတွင်မပါဝင်တော့ ပါ။ ၁၉၈၉ ဘာလင်တံတိုင်းကြီးပြိုကျသွားသည်နှင့် ကမ္ဘာကြီး၏ တူရှုချက်မှာ ဈေးကွက်နှင့် ဒီမို ကရေစီဘက်ပီပီသသကြီးလှည့်ပြောင်းလာခဲ့ပြီးဖြစ်ပါသည်။
သို့နှင့်အမျှ စစ်အေးအလွန်ကမ္ဘာတွင် ဘယ်သူက ခေတ်ပြောင်းတော်လှန်ရေးအကြောင်း မပြောကြတော့ ပါ။ လူတန်းစားမဲ့ ကွန်မြူနစ်လူ့ဘောင်အသာထားဆိုရှယ်လစ်စနစ်ကိုပင် တူရှုချက်မထားတော့ပါ။ ၂၀၁၀ရွေး ကောက်ပွဲအကြိုကာလ ထွက်ပေါ်လာသော နိုင်ငံရေးပါတီ အဟောင်းအသစ်အားလုံးကိုကြည့်လိုက်လျှင် ဒီမိုကရေ စီရည်မှန်းချက်တူညီစွာရှိနေသည်ကို အလွယ်နှင့် တွေ့နိုင်ပါသည်။ သို့တွက် အိုင်ဒီယိုလိုဂျီဆူးကြီးမရှိတော့ပြီဟု ဆို နိုင်စရာအကြောင်း ရှိပါလိမ့်မည်။

လူမျိုးစုနိုင်ငံရေး
ပြည်မရှိ မြန်မာ့နိုင်ငံရေးအင်အားစုများကြား ရွေးကောက်ပွဲနှင့် ပက်သက်သော သဘောထားအပေါ် ငြင်းခံ လို့ကောင်းနေဆဲမှာပင် ပြည်နယ်အသီးသီးမှ တိုင်းရင်းသားလူမျိုးစု ပါတီများ အပြိုင်းအရိုင်းထွက်ပေါ်လာသည်ကို သတိပြုမိသည်။ ဤအချက်က တိုင်းရင်သားလူမျိုး စုများ အနေဖြင့် ပြည်မရှိ နိုင်ငံရေးပလေယာများထက် တိုင်း ပြည်၏ ပကတိအရှိကို ပို၍ ဖတ် နိုင်လေသလား စဉ်စားဖို့ရှိလာသည်။ အကယ်၍ ဤသို့ ဖြစ်လျှင်လည်း သဘာဝ ကျသည်ဟု ဆိုရ ပါလိမ့်မည်။
မြန်မာနိုင်ငံရေးပလေယာတော်တော်များများ (အများစုဟူ၍ ပင်ဆိုနိုင်လောက်ပါသည်)မှာ ၁၉၈၈ခုနှစ်မှ နိုင်ငံရေးနယ်ပယ်သို့ဝင်ရောက်ခဲ့ကြသော်လည်း တိုင်းရင်းသားလူမျိုးစုများအနေဖြင့်မူ လွတ်လပ်ရေးသက်တမ်းနှင့် အမျှကြာမြင့်ခဲ့ပြီဖြစ်သော ခရီးရှည်ကြမ်းကြီးကို ဖြတ်သန်းခဲ့ ကြပြီး ဖြစ်သည်။ သို့နှင့်အမျှ ရယ်ဒီကယ်လမ်းကြောင်း ၏ ဘေးထွက်ဆိုးကျိုးများကို ကိုယ်တွေ့ကြုံခဲ့ရပြီး နိုင်ငံရေးအရ တစ်စုံတစ်ရာ ရင့်ကျက်နေပြီဟုဆိုရပါလိမ့်မည်။ ထိုထက် စစ်အေးလွန်ခေတ်၏ ပထမဆုံးဇတ်ကွက် ' ဘော်လကန်နိုက်ဇေရှင်း ' (အစိတ်အမွှာမွှာပြိုကွဲမှုဟု အဓိ ပ္ပယ်ရသည်) က လည်းခါးသီးသည့်အမှန်အချို့လှစ်ပြခဲ့ပြီးဖြစ်ရာ " အမျိုးသားရေးပြဿနာမှာ ဒီမိုကရေစီ၏ ထောင် ချောက် " ဆိုသော ပိုလန်ခေါင်းဆောင်တစ်ဦး၏ သုံးသပ်ချက်ကို နှလုံးသွင်းနိုင်လောက်ပြီထင် ပါသည်။
ဤသို့သော အကြောင်းအကြောင်းများကြောင့် ဖြစ်ပါလိမ့်မည်။ တိုင်းရင်းသားလူမျိုး စုပါတီအများစုအနေ ဖြင့် မည်သည့်အဖွဲ့ကမှ ခွဲထွက်ရေးအကြောင်း မပြောတော့ပါ။ ' ဖွံ့ဖြိုး ရေး ' (Development) ကြွေးကြော်သံကို ထိပ်တင်ကာ ရွေးကောက်ပွဲဝင်ဖို့ တာစူနေကြပေပြီ။ တန်းတူညီမျှရေးအခြေခံပေါ်တွင် ကိုယ့်ကြမ္မာကို ဖန်တီခွင့်ရလျှင် ဘော်လကန်နိုက်ဇေရှင်း ဖြစ်နိုင် ဖွယ်မရှိပါ။ အဓွန့်ရှည်ကြာတည်တံ့ခိုင်မြဲမည့်ပြည်ထောင်စုကြီးကို ညီညီညွတ် ညွတ်လက်တွဲတည် ဆောက်နိုင်စရာရှိပါသည်။ ဤမျှော်လင့်ချက်နှင့်ပင် တိုင်းရင်းသားလူမျိုးစုပါတီများဖြင့် ယခု လာ တော့မည့်ရွေးကောက်ပွဲကို လက်တွေ့ကျကျကြည့်မြင်ကြဟန်ရှိပါသည်။ ဤခြေလှမ်းသည်ပင် ဒု တိယ ဆူး(လူမျိုးစုပြဿနာ) ဖယ်ရှားနိုင်ရေးအတွက် အဖွင့်ကျားကွက်ဖြစ်တန်ရာသည်။

စစ်ဘက်၊အရပ်ဘက်
အကယ်၍ ဒုတိယဆူးကိုသာ အပြီးတိုင်ဖယ်ရှားနိုင်မည်ဆိုလျှင် တတိယဆူး(စစ်ဘက်-အရပ်ဘက်ဆက်ဆံ ရေးပြဿနာ)ကိစ္စတွင်လည်း တစ်ဝက်မက ခရီးရောက်သွားပါလိမ့်မည် ထင်သည်။ သို့နှင့်တိုင် ဤကိစ္စကိုမူအလော တကြီး ဖြေရှင်းဖို့မသင့်ဟု သဘောရသ်ည။ ' ဘုံတူညီ ချက် '(Common ground)ဖြစ်ဖွယ်ရှိပါသည်။ ' စီးပွားရေးဖွံ့ ဖြိုးမှု ' ကို လက်တွဲကြိုးပမ်းရင်း စိတ် ရှည်လက်ရှည်ညှိနှိုင်း အဖြေရှာကြမည်ဖြစ်ရာ အချိန်ကာလတစ်ခုယူရပါလိမ့် မည်။
မည်သို့ပင်ဖြစ်စေ ၂၀၁၀၁အလွန်အခင်းအကျင်းသစ်တွင် ဒုတိယဆူးကို ဖယ်ရှား နိုင်လျှင်ပင် မင်္ဂလာရှိလှပြီ ဟုဆိုချင်သည်။ အပြီးတိုင်မဟုတ်လျှင်သော်မှ (အနိမ့်ဆုံး) အခြေခံ တည်ဆောက်နိုင်လိမ့်မည်ဟုမျှော်လင့်မိသည်။ နိုင်ငံသားတစ်ဦးသာဖြစ်သော စာရေးသူအနေဖြင့်မူ ဤမျှော်လင့်ချက်နှင့်ပင် ရှေ့လ ၇ ရက်တွင် မဲရုံသို့ သွားဖြစ် အောင်သွားပါမည်။

1 comment:

phung bella said...

hi impressive blog.
We have a big website to sale cars online throughout Myanmar. Please visit us back at: http://motors.com.mm/?utm_campaign=mot_mm_lb_blog_phung&utm_source=mot_lb_blog&utm_medium=lb_blog