Thursday, August 30, 2007

အားတော့နာတယ် ဂမ်ဘာရီ ရယ်

ကျော်လင်းဦး
ကုလသမဂ္ဂ အတွင်းရေးမှူးချုပ်သစ်ရဲ့ မြန်မာနိုင်ငံဆိုင်ရာ အထူး ကိုယ်စာလှယ်သစ် မစ္စတာ ဂမ်ဘာရီ တယောက် မြန်မာ့အရေး ဆွေးနွေးဖို့ နိုင်ငံစုံကို လှည့်လည်လျက် ရှိပါတယ်။ အာရှ ခရီးစဉ် အပြီးမှာ၊ ဥရောပ ခရီးကို သွားရောက်နေပြီး နောက်ထပ် သွားစရာ အာဆီယံ သာ ကျန်ပါတော့တယ်။ လက်ရှိ အချိန်အထိ ဂမ်ဘာရီရဲ့ ခြေလှမ်းတွေအရ မြောက်ကိုရီးယား အရေးကို နမူနာယူပြီး မြန်မာ့ အရေးကို စိတ်ဝင်စားတဲ့ နိုင်ငံတွေ ပါဝင်တဲ့ ဆွေးနွေးပွဲ တရပ်ကို ကုလသမဂ္ဂက ဦးဆောင်ပြီး ကျင်းပမယ့် သဘော ရှိနေပါတယ်။ ပြီးခဲ့တဲ့နှစ် ဇန်န၀ါရီလက ထုတ်ပြန်ခဲ့တဲ့ အမေရိကန်ရောက် မြန်မာ ပညာရှင် တစုရဲ့ ပေါ်လစီ စာတမ်းမှာလည်း အဲဒီလို စကားဝိုင်းမျိုး ကျင်းပဖို့ ဆော်သြော ထားပါတယ်။
သို့သော် မြန်မာနိုင်ငံက ဗိုလ်ချုပ်ကြီးတွေက မြောက်ကိုရီးယား အာဏာရှင် ကင်ဂျုံအီးနဲ့ မတူတဲ့ အချက်ကတော့ ဘယ်လိုပုံစံ စကားဝိုင်းမျိုး ဖြစ်ပါစေ၊ စကားဝိုင်း ဆိုရင် ကြောက်တတ်တဲ့ ရောဂါ ရှိနေပါတယ်။ ဟိုအရင်ကလည်း ထိုင်းနိုင်ငံက ၀န်ကြီးချုပ်ဟောင်း သက်ဆင် လက်ထက်က ‘ဘန်ကောက် ဖြစ်စဉ်’ ဆိုတဲ့ အမည်နဲ့ အလားတူ စကားဝိုင်းမျိုး ကျင်းပဖို့ အားထုတ် ခဲ့ဖူးပါတယ်။ ဒါပေမဲ့ စကားဝိုင်းရဲ့ အဓိက ဇာတ်ကောင် မြန်မာအစိုးရ အင်တင်တင် လုပ်တာကြောင့် စကားဝိုင်း ပျက်ခဲ့ရဖူးပါတယ်။ အဲဒီ အချိန်တုန်းကလည်း မြန်မာနိုင်ငံရဲ့ အဓိက ရန်ဘက်၊ မိတ်ဘက် နိုင်ငံတွေက လိုလိုလားလားတက်ဖို့ သဘောထား ပေးပြီးကာမှ ဒီအစီအစဉ် ပျက်ခဲ့ရတာပါ။
အခုအခါ အခြေအနေက ဟိုအရင်ကနဲ့ မတူတော့တာ အမှန်ပါ။ စစ်အစိုးရ ကိုယ်တိုင် စိတ်တိုင်းကျ ရေးဆွဲနေတဲ့ အခြေခံ ဥပဒေကြီးကလည်း ပြီးလုပြီးခင် အနေအထားမှာ ရှိနေပါတယ်။ ဒါပြီးရင် စစ်အစိုးရ အလိုကျ စည်းကမ်း ပြည့်ဝသော ဒီမိုကရေစီ နိုင်ငံကြီးကို တည်ဆောက်ဖို့ ဆန္ဒ ခံယူပွဲလုပ်၊ ရွေးကောက်ပွဲကို လုပ်ရဦးမှာပါ။ ဒါကြောင့် ဒီအချိန်မှာ စစ်အစိုးရ ဘက်က အသည်းအသန် လိုအပ်နေတာကတော့ သူတို့ ရေးဆွဲမယ့် အခြေခံ ဥပဒေနဲ့ နောက်တက်လာမယ့် အစိုးရကို နိုင်ငံတကာက အသိအမှတ် ပြုရေးပါပဲ။ ဒီအချက် နှစ်ချက် အတွက် သူတို့ဘက်မှာ အကျိုးရှိမယ် ဆိုရင်တော့ ဘယ်လို ဆွေးနွေးပွဲမျိုးကို မဆို သတ္တိရှိရှိ တက်မှာပါ။ ဒီ နှစ်ခုရဖို့ သေချာ နေရင်တော့ ဒီလို ဆွေးနွေးပွဲမျိုးမှာ မြန်မာ ကိုယ်စားလှယ်ကို ရင်ကော့ပြီး တက်လာတာ တွေ့ရပါလိမ့်မယ်။ လက်ရှိ မြန်မာနိုင်ငံမှာ စီးပွားရေး၊ လူမှုရေး၊ နိုင်ငံရေး စတဲ့ အကျပ်အတည်း ပေါင်းစုံ ရင်ဆိုင် နေရတယ် ဆိုပေမယ့် မြန်မာ စစ်ခေါင်းဆောင်တွေ အတွက် ဒီအခြေခံ ဥပဒေ ကိစ္စနဲ့ နောက်အစိုးရ တရားဝင်ရေးလောက် ဘယ်ဟာမှ အရေးမကြီးပါဘူး။ ဒါဟာ သူတို့ရဲ့ သေရေး၊ ရှင်ရေး ဖြစ်ပါတယ်။
ဒီလိုပဲ ဒီကိစ္စ နှစ်ရပ်ဟာ ဒီမိုကရေစီရေး တိုက်ပွဲ ၀င်နေတဲ့ အင်အားစုတွေ အတွတ် သေရေးနဲ့ ရှင်ရေး ဖြစ်နေပြန်တယ်။ ဒီအခြေခံ ဥပဒေနဲ့ နောက်အစိုးရကို နိုင်ငံတကာက အသိအမှတ် ပြုလိုက်တာနဲ့ တပြိုင်နက် ၁၉၈၈ ကနေ ဒီနေ့အထိ ၁၉ နှစ်လုံးလုံး ကြိုးပမ်း ထားသမျှတွေဟာ ပြည်ဖုံးကား ချလိုက်ရတော့မှာပါ။ ဒါကြောင့် ပြည်တွင်းပြည်ပမှာ ရှိကြတဲ့ ဒီမိုကရေစီ အင်အားစုတွေက ပြည်သူ့ ကိုယ်စားလှယ်တွေရဲ့ သဘောဆန္ဒ မပါဝင်တဲ့ အခြေခံ ဥပဒေနဲ့ ဒီဥပဒေအရ ပေါ်ပေါက်လာမယ့် နောက်အစိုးရကို အသိအမှတ် မပြုဖို့ ပုံစံ အမျိုးမျိုးနဲ့ ကြိုးစား နေကြတာ ဖြစ်ပါတယ်။ ဒီအခြေအနေမှာ မြန်မာနိုင်ငံရဲ့ အခြေအနေတွေကို စိတ်ဝင်စားပါတယ် ဆိုတဲ့ နိုင်ငံတကာ အသိုင်းအ၀ိုင်းအနေနဲ့ ဘာများ ဆက်လုပ်နိုင်ဦးမလဲ ဆိုတာဟာ စိတ်ဝင်စားဖို့ ကောင်းလှပါတယ်။
လက်ရှိ မြန်မာနိုင်ငံရဲ့ အခြေအနေဟာ စစ်အုပ်စုနဲ့ ဒီမိုကရေစီ အင်အားစု အကြား တဘက်ဘက်က လျှော့မှ ဖြစ်တော့မယ့် အခြေအနေပါ။ ဒီလို အခြေအနေမှာ သူ့ဘက် ကိုယ့်ဘက် အလျှော့အတင်း လုပ်ရေးဟာ ဘယ်လိုမှ စိတ်ကူးယဉ်လို့ မရတော့တဲ့ ကိစ္စလို့တောင် ပြောရပါလိမ့်မယ်။ ဒါပေမဲ့ တချို့ မြန်မာ့အရေး လေ့လာသူတွေ ကတော့ နိုင်ငံတကာရဲ့ နားချမှု၊ အထူးသဖြင့် တရုတ်ရဲ့ နားချမှုနဲ့ မြန်မာ စစ်အစိုးရဘက်က ပျော့ပြောင်း လာလေမလားလို့ စောင့်ကြည့် လိုကြပါတယ်။ ကမ္ဘာ့ ကုလသမဂ္ဂ အတွင်းရေးမှူးချုပ် အသစ် ဘန်ကီးမွန်းနဲ့ သူ့ရဲ့ မြန်မာနိုင်ငံ ကိုယ်စားလှယ် ဂမ်ဘာရီ တို့ကလည်း အဆိုပါ မြန်မာ့အရး လေ့လာသူတွေနဲ့ တသဘောထဲ ထားပြီး မြန်မာနိုင်ငံ အရေးမှာ နိုင်ငံတကာက ပါဝင်လာမှု များသထက် များအောင် ဆောင်ရွက်နေတဲ့ သဘောမျိုး ရှိနေပါတယ်။ သို့သော် မြန်မာ့အရေးမှာ အဓိက ဇာတ်ကောင်ဖြစ်တဲ့ စစ်အစိုးရ ဘက်ကသာ ပူးပေါင်း ဆောင်ရွက်မှု မရှိဘူးဆိုရင် နိုင်ငံတကာ အသိုင်းအ၀ိုင်း၊ ကုလသမဂ္ဂနဲ့ ဂမ်ဘာရီ ပါ ဘာမှ မတတ်နိုင်တဲ့ အနေအထားမှာ ရှိနေပါတယ်။
မြန်မာ စစ်အုပ်စုဟာ နှစ်ပေါင်းများစွာ တသီးတသန့် တံခါးပိတ် နေထိုင်ခဲ့တဲ့ အတွေ့အကြုံကို ကျင့်သား ရပြီးသား ဖြစ်သလို သူတို့ အကျိုးစီးပွားအတွက် ဆိုရင် ဘယ်လို နိုင်ငံမျိုးနဲ့ ဘယ်လိုပုံစံ ဆက်ဆံရမယ် ဆိုတာ လေ့ကျင့်သား ရပြီးသား ဖြစ်နေပါတယ်။ ဒီအချက်ကို နိုင်ငံတကာနဲ့ ဂမ်ဘာရီတို့က မနပ်ဘူး ဆိုရင်တော့ မြန်မာ စစ်အစိုးရနဲ့ ဆက်ဆံရာမှာ ခံလိုက်ရမယ့် သဘော ရှိနေပါတယ်။ ဒါကြောင့် ကိုယ့်ရည်ရွယ်ချက် အောင်မြင်ဖို့ထက် နအဖ စစ်အုပ်စုရဲ့ အကျိုးစီးပွားကို ကိုယ်က ဆောင်ကျဉ်း ပေးလိုက်သလို ရှိသွားပါလိမ့်မယ်။
မြန်မာနိုင်ငံမှာ စစ်အုပ်စုရဲ့ အကျိုးစီးပွားကိုသာ ဖြည့်ဆည်းပေးမယ် ဆိုရင် မြန်မာနိုင်ငံရဲ့ ပြဿနာကို ဖြေရှင်းရေးမှာ နိုင်ငံတကာအထိ ပါဝင် လာစရာ မလိုသလို နိုင်ငံတွင်းမှာပဲ အုပ်စုနှစ်စု သဘောတူလိုက်ရုံနဲ့ ပြီးစီး သွားပါလိမ့်မယ့်။ ဒါပေမဲ့ မြန်မာနိုင်ငံ အတွင်းက ဒီမိုကရေစီ အင်အားစုတွေ ဘက်ကလည်း စစ်အစိုးရက ထင်တိုင်း ရေးဆွဲထားတဲ့ နိုင်ငံရေး အစီအစဉ် တရပ်ကို လက်ခံဖို့ ဘယ်လိုမှ မဖြစ်နိုင်တဲ့ အနေအထားကို ရောက်ရှိနေပါတယ်။ မြန်မာ စစ်အစိုးရ ဘက်ကလည်း ဒီအစီအစဉ်မှ မဖြစ်မြောက်ရင် နှစ်ပေါင်း ၂၀ နီးပါး သူတို့ တည်ဆောက်ခဲ့တဲ့ အိမ်မက်ဟာ ရေစုံ မျောတော့မယ့် အခြေအနေ ရှိနေပါတယ်။
ဒီအခြေအနေမှာ ဂမ်ဘာရီ အနေနဲ မြန်မာ့ ပြဿနာမှာ ကြားဝင်မယ် ဆိုရင် အချည်းအနှီးသာ ဖြစ်ပါလိမ့်မယ့်။ မြန်မာ ပြဿနာဟာ ဟိုဘက် ဒီဘက်ကို ဘယ်လိုမှ နားချလို့ မရတဲ့ အခြေအနေပါ။ နှစ်ဘက်စလုံးက လက်ရှိ ဆုပ်ကိုင်ထားတဲ့ အခြေအနေကနေ နောက်ဆုတ်လို့ မရတာကို ကြည့်ရင် ပြဿနာရဲ့ အတိမ်အနက်ကို ခန့်မှန်းလို့ ရပါတယ်။ ဒါကြောင့် နိုင်ငံတွေ စုံအောင် လှည့်လည်ပြီး မြန်မာ့အရေးကို ဆွေးနွေး တိုင်ပင် အဖြေရှာတာ ကုသလသမဂ္ဂရဲ့ အသုံးစရိတ်တွေ ပိုမို ကုန်ကျရုံက လွဲလို့ အချည်းအနှီးသာ ဖြစ်ပါလိမ့်မယ်။ သို့သော် မြန်မာ ပြည်သူတွေကိုတော့ ဂမ်ဘာရီရဲ့ ခြေလှမ်းတွေကနေ မရေရာတဲ့ မျှော်လင့်ချက်တွေ ပေးပြီး မြန်မာ့ နိုင်ငံရေး ပြဿနာတွေ တနေ့ ပြေလည်လာနိုးနဲ့ စောင့်စားရင်း အချိန်ကုန်ကြရုံသာ ရှိပါတော့တယ်။
(မဇ္ဈိမသတင်းစာမျက်နှာမှ ကူးယူဖေါ်ပြသည်၊)

ဆယ်စုနှစ်၏ အကြီးမားဆုံး ဆန္ဒပြပွဲကြီးနှင့် စစ်အုပ်စုပဋိပက္ခ၊ နိုင်ငံအလားအလာ

ကျော်လင်းဦး

၁၉၉၇ ခုနှစ်က စတင်ရေတွက်လျင် ဆယ်စုနှစ်အတွင်း အကြီးမားဆုံး ဆန္ဒပြပွဲကြီး တရပ် ယမန်နေ့က ဖြစ်ပွားခဲ့ပါတယ်။ ဒါဟာ ကျောင်းသား ခေါင်းဆောင် ကိုမင်းကိုနိုင်တို့ကို ပြန်လွှတ်ပြီးတဲ့နောက် ပထမဆုံး ဖြစ်ပွားခဲ့တာ ဖြစ်ပြီး ဒီပွဲကို ကိုမင်းကိုနိုင်တို့ကပဲ ဦးဆောင်တာ ဖြစ်ပါတယ်။ ဒါကြောင့် ပြည်သူလူထုရဲ့ တခဲနက် ထောက်ခံမှုကို ရပြီး ပူးပေါင်း ပါဝင်လာကြတာ ဖြစ်ပါတယ်။ ဒါ့အပြင် လက်ရှိ အခြေအနေအရ အစိုးရရဲ့ စက်သုံးဆီ ဈေးနှုန်း ကြီးမြင့်မှုဟာ ပြည်သူလူထု လူတန်းစား ပေါင်းစုံကို ထိခိုက်တဲ့အတွက် အားလုံးက ပူးပေါင်း ပါဝင်လာတာ ဖြစ်ပါတယ်။ ဒါ့အပြင် လာမယ့် ရက်ပိုင်းတွေမှာလည်း အလားတူ ဆန္ဒပြပွဲတွေကို ကျင်းပဖို့ ကျောင်းသားတွေနှင့် လူထု လှုပ်ရှားသူတွေက ပြင်ဆင်နေပါတယ်။ ဒါဟာ ပြည်သူလူထုက တက်တက်ကြွကြွ ပါဝင်ရမယ့် ဒီမိုကရေစီ စနစ်အတွက် ကောင်းတဲ့ အလားအလာပါ။ စစ်အစိုးရ ဗိုလ်ချုပ်ကြီးများကိုလည်း ပြည်သူလူထုက လက်မခံရင် ဘယ်လို အမိန့်ဥပဒေမှ ချောချောမွေ့မွေ့ အကောင်အထည် ဖေါ်လို့မရဘူး ဆိုတာ သင်ခန်းစာ ပေးလိုက်သလို ရှိပါတယ်။
ဒါပေမယ့် ပြည်သူလူထုကို တရားဝင် မကြေညာဘဲ စက်သုံးဆီ ဈေးနှုန်းတွေ တိုးမြှင့် လိုက်တာဟာ စစ်အစိုးရ အဖွဲ့ထဲ အခက်အခဲ ကြီးကြီးမားမား ရှိနေပြီလား။ အားပြိုင် လွန်ဆွဲပွဲ ဖြစ်နေပြီလား။ လူထုကို ဂရုမစိုက် လုပ်ချင်ရာလုပ်တဲ့ အကျင့်ကြောင့်လား။ ရည်ရွယ်ချက်ရှိရှိ လုပ်တာပဲလား ဆိုတာတော့ ကျနော့်အထင် တပတ်လောက် စောင့်ကြည့်ရမယ် ထင်ပါတယ်။
စစ်တပ်ထဲမှာ ကိုယ်တိုင် ဖွဲ့စည်းပုံ အခြေခံဥပဒေကို ဆန့်ကျင်ချင်တဲ့ သူတွေ ရှိနေပြီလားလို့ ထင်စရာပါ။ ပြည်သူလူထုကို တမင် ဆူပူအောင် လုပ်ပြီး နောက်တခါ အာဏာသ်ိမ်းမယ်ပေါ့။ ဒီလိုဆိုခဲ့ရင် ဖြစ်နိုင်ခြေ များတာကတော့ နိုင်ငံရဲ့ စီးပွားရေးနဲ့ ကုန်ဈေးနှုန်း ကိစ္စတွေကို တိုက်ရိုက် စီမံ ခန့်ခွဲနေတဲ့ နအဖ ဒုဥက္ကဌ ဒု- ဗိုလ်ချုပ်မှူးကြီး မောင်အေးနဲ့ အပေါင်းအပါတွေ ဘက်ကပဲ ဖြစ်ဖို့ များပါတယ်။ တိုင်းပြည်အတွက် မဟုတ်ပါ၊ အချင်းချင်းအကြား အာဏာလုရေး ဖြစ်ပါတယ်။ ပြည်တွင်းက ကြားတဲ့ သတင်းတွေအရ ဗိုလ်မောင်အေးနဲ့ အုပ်စုဟာ ဖွဲ့စည်းပုံ အခြေခံ ဥပဒေကြီး ပြီးတဲ့နောက် ဖြစ်လာမယ့် နိုင်ငံရေး အခင်းအကျင်းသစ်မှာ နေရာရစရာ လမ်းမမြင်တဲ့ အတွက် လက်ရှိ လမ်းပြမြေပုံ ခုနှစ်ချက်နဲ့တကွ အခြေခံ ဥပဒေ ရေးဆွဲရေး လုပ်ငန်းစဉ်ကြီးကို ကန့်ကွက်ခဲ့တာ ကြာပါပြီ။ ဒါပေမယ့် နအဖအတွင်းမှာ ဟိုယခင်က ထောက်လှမ်းရေးချုပ် ဗိုလ်ခင်ညွှန့် အပါအ၀င် တော်တော်များများက ထောက်ခံခဲ့တဲ့ အတွက် ဒီကိစ္စ ဟာ အတည် ဖြစ်ခဲ့ရတာပါ။ ဗိုလ်သန်းရွှေကလည်း ဒီအခင်းအကျင်းသစ် အတွက် လွန်ခဲ့တဲ့နှစ် တော်တော်ကြာကြာ ကတည်းက ပြင်ဆင်ထားခဲ့တာ ဖြစ်တဲ့အတွက် ဖွဲ့စည်းပုံ အခြေခံ ဥပဒေကြီး ရုပ်လုံး ပေါ်လာရေးကို လိုလားပါတယ်။ သူ့နောက်မှာ လိုလားတဲ့ အုပ်စုကတော့ ဗိုလ်ရွှေမန်း အပါအ၀င် တပ်တွင်းက လူငယ်ခြေတက် အုပ်စုဖြစ်ပြီး အဖိုးကြီးတွေ တပ်စည်းဝိုင်းထဲက ထွက်သွားမယ့် ကာလကို စောင့်မျှော်နေကြသူတွေ ဖြစ်ပါတယ်။ သူတို့နဲ့ မတ်ိမ်းမယိမ်းထဲက အဖိုးကြီးတွေနဲ့အတူ နိုင်ငံရေး စည်းဝိုင်းထဲကို လိုက်သွားမယ့် သူကတော့ ဒီနေ့ အတွင်းရေးမှုး ၁ နဲ့ ယာယီ ၀န်ကြီးချုပ်အပြင် ဖွဲစည်းပုံ အခြေခံ ဥပဒေကို တာဝန်ခံ ရေးဆွဲနေရတဲ့ ဗိုလ်ချုပ် သိန်းစိန်ပါ။
ဒီလို အခြေအနေမှာ ဗိုလ်မောင်အေးနဲ့ သူလူတွေအတွက်ကတော့ နေရာ သိပ်မရှိပါဘူး။ အထူးသဖြင့် ဗိုလ်မောင်အေးနဲ့ ပတ်သက်နေတဲ့ စီးပွားရေး သမားတွေက၊ လက်ရှိ အခြေအနေမှာရော၊ အနာဂတ်မှာပါ၊ ဗိုလ်သန်းရွှေလူ ကိုတေဇကို ယှဉ်နိုင်ဖို့ အခြေအနေ မရှိပါဘူး။ ဗိုလ်မောင်အေး အနေနဲ့လည်း နိုင်ငံရေး စည်းဝိုင်းထဲ လိုက်သွားရေး နံပါတ် ၁ နေရာ မရဘဲ၊ ၂ အဆင့်နဲဘဲ ကျေနပ်ရမှာ ဖြစ်ပြီး၊ တပ်တွင်းမှာ ကျန်ခဲ့ဖို့ကလည်း လက်ရှိ သူ့အသက်အရွယ်အရ မဖြစ်နိုင်တော့တဲ့ အခြေအနေမှာ ရှိနေပါတယ်။ ဗိုလ်မောင်အေးဟာ ဒီအခြေအနေကို ပြောင်းပြန် လှန်ပစ်လိုပါတယ်။ ဒီလို လှန်ပစ်နိုင်အောင် သေသေချာချာ အကွက်ကျကျ စီစဉ်မှ ဖြစ်မယ် ဆိုတာကိုလည်း အနှစ် နှစ်ဆယ် နအဖ သမိုင်းက သက်သေ ခံနေပါတယ်။ ဒါကြောင့် ဒီ့အရင် အဖြစ်အပျက် နှစ်ရပ်နဲ့ သွေးတိုး စမ်းခဲ့ပြီးပါပြီ။ တရပ်ကတော့ သွားလေသူ အာဏာရှင်ဟောင်း ဦးနေ၀င်းရဲ့ မိသားစုကို ရှင်းလင်းတုန်းက ဖြစ်ပြီး နောက်တရပ်ကတော့ ဦးနေ၀င်းထက် ပိုမို အဆိပ်ပြင်းတဲ့ ထောက်လှမ်းရေးချုပ် ဗိုလ်ခင်ညွှန့် နဲ့ ထောက်လှမ်းရေး တတပ်လုံးကို ရှင်းတုန်းက ဖြစ်ပါတယ်။ ဒီအဖြစ်အပျက် နှစ်ရပ်မှာ ဗိုလ် မောင်အေးကပဲ အသာစီး ရခဲ့တာကြောင့် ဗိုလ်မောင်အေးက လက်ရှိ အခြေအနေမှာ မြဲနေပြီး တပ်ချုပ်ကြီးရဲ့  အားကိုးအားထားပြု ခြင်းကို ခံနေရပါတယ်။ ဒါပေမယ့့့့့့့့့့် 
ဗိုလ်ချုပ်ညွှန့်တင် လာဘ်စားမှုကို စစ်ဆေးရင်း ဗိုလ်ချုပ်မှုးကြီး သန်းရွှေကတော် ဒေါ်ကြိုင်ကြိုင်ရဲ့ ဒေါ်လာ သန်းပေါင်းများစွာ လာဘ်စားမှု ဖိုင်တွဲကိုလည်း ဗိုလ်ချုပ်မောင်အေးက ကိုင်ထားပြီး ဗိုလ်ချုပ်မှုးကြီး သန်းရွှေကိုပင် ဗိုလ်နေမြဲ၊ ကျားနေမြဲ နေဖို့ ပြောထားတဲ့ သတင်းကလည်း ရှိနေတော့ ဗိုလ်မောင်အေးက ဗိုလ်သန်းရွှေက ဘာဖြစ်လို့ အခွင့်ရတုံး မဖြုတ်ချလဲဆိုတာ စဉ်းစားစရာပါ။
ဖြစ်နိုင်တာက ဗိုလ်မောင်အေးမှာ ရင်ဆိုင်စရာ ပွဲကြီးပွဲကောင်း တရပ်က ရှိနေပါသေးတယ်။ မျိုးဆက်သစ်တွေကိုလည်း ရှင်းလင်းရမယ့် ပွဲပါ။ စီးပွားရေးသမား အများစုက ဗိုလ်ရွှေမန်း နေရာ ရလာစေချင်နေတာကို တွေ့ရတယ်။ ဒီအတွက် ဗိုလ်မောင်အေးမှာ အကြံပိုင်ဖို့ လိုပါတယ်။ ပိရိဖို့ လိုပါတယ်။ သေချာဖို့ လိုပါတယ်။ ပြီးတော့ လက်ဦးဖို့ လိုပါတယ်။ ဒီလို ဖြစ်ဖို့အတွက် အခြေအနေတွေ ရှုပ်ထွေးနေဖို့ လိုမှာ ဖြစ်တဲ့အတွက် ရှုပ်ထွေးနေတဲ့ အခြေအနေ တရပ်ကို စတင် ဖန်တီးလိုက်ခြင်းသာ ဖြစ်ပါတယ်။
ဒါပေမယ့် ဘယ်လိုပဲဖြစ်ဖြစ် ပြည်သူလူထု လမ်းပေါ်ထွက်လာရင် ဒီနေ့ အခြေအနေက ၈၈ အခြေအနေလို ခေါင်းဆောင်မဲ့ မဟုတ်တာရယ်၊ ပိုမို ရင့်ကျက်လာတဲ့ နိုင်ငံရေး သမားတွေ၊ ပိုမို ရင့်ကျက်လာခဲ့တဲ့ ၈၈ မျိုးဆက် ကျောင်းသား ခေါင်းဆောင်တွေရယ်ကြောင့် မြန်မာပြည် အပြောင်းအလဲကို ဒီမိုကရေစီ လမ်းကြောင်းကို ဖော်ဆောင်ဖွယ်ရာ ကြီးကြီးမားမားကိုလည်း ဖြစ်နိုင်ပါတယ်။
နောက်ထပ် ဆန္ဒပြပွဲတွေ ထပ်ဖြစ်ဖို့ တာဆူနေတဲ့ သတင်းတွေလည်း ပျံ့ နှံ့နေပါတယ်။ ဒါကြောင့် အခြေအနေတွေကို သီးတင်းပတ် တပတ် ကြာတဲ့အထိ စောင့်ကြည့်ရဦးမှာ ဖြစ်သလို နောက်လာမယ့် သတင်းပတ်တွေ အတွင်းမှာ နအဖအတွင်း နောက်ထပ် အာဏာသိမ်းပွဲတွေ ထပ်ဖြစ်လာမယ့် အရိပ်အယောင်တွေ ပေါ်ပေါက် လာလေမလားလို့လည်း စောင့်မျှော်နေမိပါတယ်။

(မဇ္ဈိမသတင်းစာမျက်နှာမှ ကူးယူဖေါ်ပြသည်၊)